Drejtoria për Bujqësi, Pylltari dhe Zhvillim Rural
NJOFTIM ZYRTAR
PËR NDALIMIN E TË GJITHA AKTIVITETEVE TË GJUETISË PËR SEZONIN E GJUETISË 2026/2027
Njoftohen të gjitha shoqatat e gjuetarëve, gjuetarët, shfrytëzuesit e pyjeve dhe tokave pyjore, si dhe të gjithë qytetarët, se ndalohen rreptësisht të gjitha aktivitetet e gjuetisë në tërë territorin e Komunës së Zveçanit gjatë sezonit të gjuetisë 2026/2027.
1. Objekti i njoftimit
Njoftohen të gjitha shoqatat e gjuetarëve, gjuetarët, shfrytëzuesit e pyjeve dhe tokave pyjore, si dhe të gjithë qytetarët, se ndalohen të gjitha aktivitetet që kanë të bëjnë me gjuetinë në territorin e Komunës së Zveçanit gjatë sezonit të gjuetisë 2026/2027.
2. Arsyeja e ndalimit
Ndalimi vendoset për shkak se ende nuk ka përfunduar procedura e paraparë me ligj për formimin dhe themelimin e vendgjuetisë së përbashkët në territorin e komunës, në përputhje me dispozitat ligjore në fuqi nga fusha e gjuetisë dhe pylltarisë.
3. Detyrimet dhe mbikëqyrja
- Ndalohet lëvizja nëpër vendgjueti me armë gjahu, qen gjuetie dhe pajisje të tjera për gjueti, si dhe çdo formë e gjuajtjes, kapjes apo shqetësimit të kafshëve të egra.
- Mbikëqyrjen e zbatimit të këtij ndalimi do ta bëjnë inspektorët kompetentë të Departamentit Qendror për Inspektimin e Pylltarisë dhe Gjuetisë, inspektorati komunal, shërbimi pyjor dhe pjesëtarët e Policisë së Kosovës.
- Çdo veprim në kundërshtim me këtë ndalim do të jetë objekt i masave përkatëse ligjore.
4. Dispozitat ndëshkuese
Çdo mosrespektim i këtij ndalimi do të konsiderohet gjueti e paligjshme dhe shkelje e ligjeve në fuqi. Ndaj shkelësve do të ndërmerren të gjitha masat kundërvajtëse dhe penale të parapara me ligj, duke përfshirë konfiskimin e armëve, pajisjeve dhe gjahut.
5. Hyrja në fuqi
Ky njoftim hyn në fuqi menjëherë dhe mbetet në fuqi deri në përfundimin e procedurës ligjore për formimin e vendgjuetisë së përbashkët dhe nxjerrjen e vendimit të ri nga organet kompetente.
Drejtori i Drejtorisë për Bujqësi, Pylltari dhe Zhvillim Rural