Komuna e Zveçanit u vizitua sot nga ambasadori britanik, Jonathan Hargreaves, i shoqëruar nga bashkëpunëtorët e tij. Delegacioni u prit nga kryetari i Komunës së Zveçanit, Dr. Dragiša Milović, së bashku me shefin e kabinetit të tij, Nenad Radovanović.
Gjatë takimit, kryetari i komunës e informoi ambasadorin mbi problemet aktuale me të cilat përballet komuna jonë, si dhe mbi pengesat nga niveli qendror që vështirësojnë zbatimin e projekteve kapitale.
Vëmendje e veçantë i është kushtuar mundësisë së riaktivizimit të qendrës spa në Banjskë – kompleksi i së cilës aktualisht është i zënë nga pjesëtarë të Policisë së Kosovës – si dhe statusit të kompleksit, i cili është nën administrimin e Agjencisë Kosovare të Privatizimit.
Kryetari vuri në dukje gjithashtu shqetësimet e qytetarëve lidhur me arrestimet dhe ndalimet, si dhe mbylljen e objekteve të hotelerisë nga shërbimet inspektuese të nivelit qendror, veprime këto të ndërmarra pa konsultim paraprak me vetëqeverisjen lokale.
Për më tepër, Komuna e Zveçanit shprehu gatishmërinë për t’u përfshirë në diskutime – në bashkëpunim me menaxhmentin e “Trepçës” – lidhur me objektet dhe tokën që ndodhen brenda territorit të komunës sonë.