Komunën e Zveçanit e vizitoi ambasadorja e Greqisë, Helena Vakali, e cila u prit nga kryetari i Komunës së Zveçanit, dr. Dragiša Milović, së bashku me nënkryetarin e komunës, z. Ivan Todosijević, kryesuesin e Kuvendit të Komunës së Zveçanit, z. Srđan Milosavljević, si dhe shefin e kabinetit, z. Nenad Radovanović.
Gjatë takimit, kryetari e njoftoi ambasadoren me situatën aktuale në komunë, si dhe me problemet me të cilat përballet administrata komunale, të konstatuara në objektin e komunës.
Vëmendje e veçantë iu kushtua çështjeve të sigurisë së qytetarëve, me ç’rast u shpreh shqetësim lidhur me paralajmërimin për zbatimin e ligjit për të huajt dhe automjetet.
Kryetari theksoi se masa të tilla do ta vështirësonin edhe më tej jetën e qytetarëve, veçanërisht të atyre që studiojnë dhe punojnë në Kosovë, ndërsa dokumentet e tyre personale janë të regjistruara në territorin e Serbisë qendrore. Po ashtu, u theksua edhe çështja e automjeteve të regjistruara në qytetet e Serbisë.
Nga takimi u bë thirrje për gjetjen e një zgjidhjeje kompromisi dhe të qëndrueshme, e cila do ta lehtësonte, e jo do ta rëndonte më tej jetën e përditshme të qytetarëve.
