Komunën e Zveçanit e vizitoi sot Komisioneri i Lartë për Pakicat Kombëtare i OSBE-së, Christoph Kamp, kreu i Misionit të OSBE-së në Kosovë, Gerard McGurk, drejtori i Qendrës Rajonale të OSBE-së në Mitrovicë, Nikolaos Kavalaris Ladis, si dhe zyrtari për raportim politik, Caleb Waugh.
Delegacioni i OSBE-së u prit nga kryetari i Komunës së Zveçanit, Dr. Dragisha Miloviq, së bashku me kreun e kabinetit, Nenad Radovanoviq.
Kryetari i Komunës Miloviq i informoi përfaqësuesit e OSBE-së për problemet kryesore me të cilat përballet Komuna e Zveçanit. Vëmendje e veçantë iu kushtua marrëdhënies së autoriteteve qendrore me vetëqeverisjen lokale, si dhe zbatimit të ligjeve që lidhen me të huajt dhe automjetet. Gjithashtu, u diskutuan çështje të tjera me rëndësi për qytetarët, kryesisht sundimi i ligjit, liria e lëvizjes dhe ushtrimi i të drejtave të garantuara me ligj, të cilat, për fat të keq, shkelen kryesisht në terren.
Gjatë takimit u përsërit qëndrimi mbi domosdoshmërinë e formimit të Bashkësisë së Komunave Serbe (BKSH), si dhe se çështjet e shëndetësisë dhe arsimit duhet të zgjidhen përmes dialogut midis Beogradit dhe Prishtinës, me ndërmjetësimin e Bashkimit Evropian.
