Ju njoftojmë se në territorin e komunës është rreptësisht e ndaluar dhe e ndëshkueshme hedhja e parregullt e të gjitha llojeve të mbeturinave jashtë vendeve të parashikuara për këtë qëllim.

Ju lutemi që mbeturinat komunale, ato voluminoze, ndërtimore dhe mbeturinat e tjera t’i hidhni ekskluzivisht në kontejnerët përkatës dhe në lokacionet e shënuara për këtë qëllim.

Çdo hedhje e parregullt e mbeturinave (krijimi i deponive ilegale, hedhja e mbeturinave pranë kontejnerëve ose në sipërfaqe publike) do të sanksionohet ashpër nga ana e inspeksionit kompetent komunal, në përputhje me rregulloret ligjore në fuqi dhe vendimet komunale.